တောင်သူလယ်သမားများ ဆန္ဒ ဖော်ထုတ်ခွင့် ငြင်းပယ်ခံရ

အင်းလုပ်ငန်းတွေကြောင့် သူတို့လယ်ယာမြေတွေ ရေနစ်မြုပ်နေရတာနဲ့
ပတ်သက်ပြီး ပဲခူးတိုင်း ညောင်လေးပင်မြို့နယ်က တောင်သူလယ်သမား

တွေဟာ ဆန္ဒဖော်ထုတ်ဖို့ ပြီးခဲ့တဲ့ သီတင်းပတ်ကတည်းက ခွင့်တောင်းခံ
ခဲ့တာကို ညောင်လေးပင် မြို့နယ်ရဲစခန်းက ငြင်းပယ်လိုက်တယ်လို့ သိရ
ပါတယ်။

ဆန္ဒဖော်ထုတ်ပွဲအတွက် ပြီးခဲ့တဲ့ ၁၈ ရက်နေ့ကတည်းက တင်ပြတောင်းဆို
ခဲ့ပေမယ့် အချိန်ဆွဲထာပြီး တိုင်းရုံးကို သွားရောက်ဖို့ မြို့နယ်က ပြောခဲ့တယ်
လို့ ဖြစ်မြောက်ရေးအတွက် ၀ိုင်းဝန်းစီစဉ်ခဲ့သူ ညောင်လေးပင်မြို့နယ်
 တော်ပလီကျေးရွာက လယ်သမား ကိုအေးလွင်က အခုလိုပြောပြပါတယ်။

"ဒီဥစ္စာတွေက ငါးလုပ်ငန်းနဲ့ ဆည်မြောင်းက လုပ်ပြီးသား ဖြစ်နေတဲ့

အတွက်ကြောင့်၊ ကျောင်းသားတွေလည်း ကျောင်းတက်နေတဲ့ အချိန်ဖြစ်

နေတဲ့ အတွက်ကြောင့် ကျွန်တော်တို့ကို ခွင့်မပြုနိုင်ဘူးဆိုပြီးတော့ ပယ်

လိုက်တယ်ပေါ့။ တိုင်းမှာ အယူခံဖို့ သူတို့က ပြောတယ်။ အဲလိုပြောတော့

 ကျွန်တော်တို့က တိုင်းကို တက်လာတယ်ပေါ့။ တိုင်းရုံးကို သွားပြန်တော့

လည်း အခုလောလောဆယ် ညောင်လေးပင်ရုံးမှာ ပုံစံယူပြီး မြို့နယ်ရုံး

ကနေပြီးတော့ တိုင်းရုံးကိုတဆင့် တင်ရမယ်။ ဒီကို တိုက်ရိုက် တင်စရာ

မလိုဘူးလို့ ပြောပြန်တော့ ကျွန်တော်တို့ လယ်သမားတွေက မြို့နယ်က 

တိုင်းကိုညွှန်၊ တိုင်းက မြို့နယ်ကို ပြန်ညွှန်နဲ့ အခုချိန်ထိလည်း ဘာမှမလုပ်

ပေးဘဲနဲ့ ရေကြီးနှစ်မြုပ် ဒုက္ခရောက်နေတဲ့ အခြေအနေကို ရောက်နေတယ်"

ညောင်လေးပင်မြို့နယ်အတွင်းက တောင်သူလယ်သမား ၅၀၀ လောက် ဆန္ဒဖော်
ထုတ်မယ်ဆိုပြီး ခွင့်တောင်းခံခဲ့တာလို့ သိရပါတယ်။ ညောင်လေးပင်မြို့နယ်အတွင်း
က အင်းလုပ်ငန်းတွေဟာ ရေထွက်မြောင်းတွေ စနစ်တကျ လုပ်ပေးထားတာ မရှိတဲ့
အပြင် ရေတွေပိတ်ဆို့ ထားတဲ့အတွက် ညောင်လေးပင်နဲ့ အနီးနားက မြို့နယ်တွေမှာ လယ်ဧက သောင်းနဲ့ချီပြီး ရေနစ်မြုပ်နေတာ ဖြစ်ပါတယ်။

အခုလို ရေနစ်မြုပ်နေတာဟာ နှစ်စဉ်လိုလို ဖြစ်ပေါ်နေပြီး လယ်သမားတွေကလည်း
သက်ဆိုင်ရာ ဆည်မြောင်းနဲ့ အာဏာပိုင် အဆင့်ဆင့်ထံ တင်ပြနေကျ ဖြစ်ပေမယ့် တခါမှ ပြေလည်အောင် ဖြေရှင်းပေးတာ မရှိဘူးလို့ သိရပါတယ်။


သတင်းရင်းမြစ်း  RFA