ကချင်လွတ်မြောက်ရေးအဖွဲ့ KIO ဗဟိုဌာနချုပ် လိုင်ဇာမြို့တွင် မူးယစ်ဆေး
တိုက်ဖျက်ရေးနှင့် ပတ်သက်၍ လူထုအစည်းဝေးတစ်ရပ်ကို မနေ့ကခေါ်ယူ၍
ကြေငြာလိုက်သည်။
မူးယစ်ဆေးဝါးတိုက်ဖျက်ရေး တာဝန်ခံ KIA စစ်ဦးစီးချုပ် ဗိုလ်ချုပ် ဂမ်ရှောင်မှ တက်ရောက်လာသော ပြည်သူလူထုများကို ယနေ့ ဖြစ်ပျက်နေသော မူယစ်
ဆေးဝါး ဆိုးကျိုးအခြေအနေများသည် နိုင်ငံတကာနှင့်လည်းဆိုင်သောကြောင့် ကချင်ပြည်နယ်တွင်ဖြစ်ပျက်နေသည့် အခြေအနေများကို နိုင်ငံတကာနှင့်
လက်တွဲကူညီသွားရန်ရည်ရွယ်ချက်ဖြင့် အသိပေးကြေငြာလိုက်ခြင်းဖြစ်ကြောင်း အစည်းအဝေးတက်ရောက်သူများပြောသည်။
မူးယစ်ဆေးဝါးတိုက်ဖျက်ခြင်းကို အစိုးရနှင့်တိုက်ပွဲမဖြစ်မှီ စတင်တင်းမာ
လာချိန်ကတည်းက အထူးတလည်လုပ်ဆောင်နေခြင်းဖြစ်သော်လည်း
မူးယစ်ဆေးဝါးများ ဆက်လက်၍ကချင်ပြည်နယ်တွင်း ပျံ့နှံ့နေခြင်းသည်
အစိုးရတွင်လည်း တစ်ဖက်တစ်လမ်း တာဝန်ရှိကြောင်း အစည်းဝေးတက်
ရောက်သူတစ်ဦး ၄င်း၏အမြင်ကို ပြောဆိုခဲ့သည်။
“အဓိက ရည်ရွယ်ချက်က KIA က မူးယစ်ဆေးဝါနဲ့ပတ်သက်ပြီး တိုက်ခိုက်နေ
တာဖြစ်တယ်။ အဲဒါကြောင့် ဒီမူးယစ်ဆေးဝါးက တိုက်ဖျက်လေလေ များလာ
လေလေ ဖြစ်တာက အစိုးရကြောင့်ဖြစ်တယ်။ အဲဒါက အစိုးရတွေ တမင်သက်
သက် ကျနော်တို့ကို မူးယစ်ဆေးဝါးနဲ့ အမြစ်ပျက်ပါစေဆိုပြီး ပြုလုပ်နေတဲ့
အတွက်ကြောင့်ဟုတ်တယ်။ ဒါကြောင့် ဒီအစိုးရရဲ့ အကြောင်းဘယ်လိုဖြစ်တယ်
ဆိုတာကို နိုင်ငံတကာ ကိုပြောပြပြီး နိုင်ငံတကာမှ ကူညီသွားပါဆိုပြီး ကြေညာ
ဟောပြောလိုက်တာဟုတ်တယ်” ဟု ပြောသည်။
အစိုးရအုပ်ချုပ်နယ်မြေအချို့တွင် ဒေသခံများအား အခွန်ကောက်ခံ၍ ဘိန်းစိုက်ပျိုး
ခွင့်ပေးထားပြီး အရောင်းအ၀ယ်အတွက်လည်း အခွန်ဆောင်ခြင်းအားဖြင့် လွတ်လပ်
စွာလုပ်ဆောင်နိုင်သော ဒေသများရှိနေဆဲဖြစ်ကြောင်း ဘိန်းစိုက်ပျိုးမှုဖြင့် အသက်
မွေးဝမ်းကျောင်းနေသော ဆဒုန်းဒေသရှိ ဒေသခံများမှသိရသည်။
ထို့ကြောင့် နိုင်ငံတကာ၏ အကူအညီဖြင့် ၀ိုင်းဝန်းလုပ်ဆောင်ခြင်းအားဖြင့်ပို၍ ထိရောက်မည်ဖြစ်သောကြောင့် တရုတ်အစိုးရမှလည်း နိုင်ငံတကာသိအောင်
ကူညီသွားမည်ဖြစ်ကြောင်း အမည်မဖော်လိုသူ KIA အရာရှိတစ်ဦးကပြောသည်။
ကေအိုင်အို ဗဟိုဌာနချုပ် လိုင်ဇာ တွင် မူးယစ်ဆေးဝါး တိုက်ဖျက်ရေး အခမ်းအနား ပြုလုပ်နေပုံ။
“တရုတ်အစိုးရအနေနဲ့လည်း မူးယစ်ဆေး တိုက်ဖျက်ရေးနဲ့ ပတ်သက်ပြီး ကူညီ
သွားမယ်ပြောတယ်။ ဒီနေ့ရဲ့ ကြေငြာဟောပြောတဲ့ အသံကိုလည်း သူတို့ရဲ့ သတင်း
station ၂ ခုကနေ တရုတ်ဘာသာပြန်ပြီး တိုက်ရိုက်လွှင့်ပေးမယ်လို့ပြောတယ်”
ဟု ပြောသည်။
အခမ်းအနားကို KIO ဗဟိုဌာနချုပ် လိုင်ဇာ အထက်တန်းကျောင်းတွင် ပြုလုပ်ရာ
KIA အမူထမ်းများ၊ ကျောင်းသားကျောင်းသူများ၊ လိုင်ဇာပြည်သူလူထုများနှင့် စစ်ပြေးဒုက္ခသည်စခန်းမှ ပြည်သူလူထုများ ၂၄၁၇ ဦး တက်ရောက်ခဲ့ကြောင်း သိ
ရသည်။
KIA မှ မူးယစ်ဆေး တိုက်ဖျက်ရေးအစီစဉ်ကို ပိုမိုတင်းကြပ်စွာလုပ်ဆောင်မည်
ဖြစ်ပြီး အရေးယူဖမ်းဆီးမူများ လည်း ပြင်းထန်စွာ ပြုလုပ်နေကြောင်း KIA အရာရှိ
တစ်ဦးကပြောသည်။
“အခုလည်း ဘိန်း ရောင်းဝယ်တဲ့သူတွေ စားတဲ့လူတွေကို ဖမ်းပြီး အရေးယူနေ
တယ်” ဟုပြောသည်။
သတင်းရင်းမြစ်း ကချင်သတင်းဌာန(KNG)
No comments:
Post a Comment