ဖားကန့် မြို့ရှိ အစိုးရ စစ်ဗျူဟာ ကုန်းသည်ကချင်ပြည် လွတ်လပ်ရေး အဖွဲ့၏ အနောက်
ပိုင်းတိုင်း တပ်မဟာ (၂) နယ်မြေ ဖြစ်သော ဖားကန့်ဒေသ မော်မောဘွမ်း ကျေးရွာသို့
လက်နက်ကြီး များဖြင့် ပစ်ခတ်မှုကြောင့်
ရွာသား နှစ်ဦး သေဆုံးပြီး (၆) ဦး ဒါဏ်ရာ ရခဲ့သည်ဟု ဒေသခံ ကချင်
လူငယ် ခေါင်းဆောင် တဦးက ဆိုပါသည်။
“ ပစ်တာက ည (၉နာရီနဲ့ ၁၀) နာရီ ကြားမှာပါ။ ၁၂၀ မမ လို့ ထင်ရတဲ့ လက်နက်ကြီး
အလုံး (၂၀) လောက် ရှိမယ် ပစ်တာ။ တပ်ရင်း (၆) က KIA တပ်သားလည်း (၂) ဦး
သေပြီး (၂) ဦး ဒါဏ်ရာ ရတယ်လို့ တပ်ထဲက သူငယ်ချင်းက ပြောပြ တယ်လေ။
တိုက်ပွဲ မဖြစ်တာ ကြာပြီးဗျ။ (၁၀) ရက် မကတော့ဘူး။ ပြီးတော့ ဆွေးနွေးပွဲ လေသံ
တွေလည်း ကြားနေရတော့ ဒီတခါ အေးဆေးပြီးပေါ့ စဉ်းစား နေကြတယ်ဘဲ ရှိသေး
တယ်။ ညက ထပစ်လိုက်တော့ မျှော်လင့်ချက်က သဲထဲရေသွန် မလားတော့ မပြော
တတ်ဘူး” ဟု ဆိုပါသည်။
ဒါဏ်ရာရသော ရွာသား များသည် ဖါးကန့် ဆေးရုံသို့ ရောက်ရှိ နေကြ ပါသည်။ အစိုးရ
တပ်ဖွဲ့ရှိသည့် စစ်ဗျူကုန်းနှင့် မော်မောဘွမ်း ကျေးရွာသည် မြေပုံအရ (၃) မိုင်ကျော် ရှိ
ပါသည်။ ဤဖါးကန့်နယ်ထဲ၌ ပြီးခဲ့သည့် ရက်ပိုင်းတွင် မော်မော့ဗုံနဲ့ ဆိုင်ဂျာဗွန် ကျေးရွာ
ဖက်၌ တိုက်ပွဲငယ်များ ဖြစ်ပွား ခဲ့သည်မှ တပါး တိုက်ပွဲ မရှိဟု ဒေသခံ ကချင် လူငယ်ေ
ခါင်းဆောင် ခွန်ဆိုင်က ဆိုပါသည်။
“ ရင်ဆိုင် တိုက်ပွဲတွေ မဖြစ်ပါဘူး ဟိုလွန်ခဲ့တဲ့ အပတ်တုန်းက တက်လာလတဲ့ အစိုးရ
တပ်ကို ပျောက်ကျား ပစ်တာတို့ ဆီး ကြိုးပစ်တာတို့ ဘဲရှိပါတယ်။ မိုင်ခွဲ တိုက်တာ
တို့တော့ ရှိတယ်။ မနေ့က လက်နက်ကြီးနဲ့ ပစ်တာ အဲဒါဘဲ ရှိတယ်။ တချို့သ တင်းတွေ
မှာ တွေ့တယ်လေ။ ဖါးကန့်ဖက်မှာ တိုက်ပွဲပြင်းထန်တယ်တဲ့။ အဲဒါတော့ မဟုတ်ပါဘူး”
ဟု ဆိုပါသည်။
အစိုးရ တပ်ဖွဲ့များသည်၊ ကချင် တပ်မဟာ (၄) ဖက်၌ ဗျူဟာ (၃)ခုနှင့် စစ်ဆင်နေသည်
ဟု ပလောင် အဖွဲ့မှ ဆိုပါသည်။ မန် ဆန်မြို့နယ်၊ မန်တုံမြို့နယ်။ ကွတ်ခိုင်မြို့နယ်နှင့်
နမ်းခမ်းမြို့နယ်ထဲ ဂွင်ထဲတွင် အစိုးရ တပ်ဖွဲ့ (၁၀) ရင်းကျော် လှုပ်ရှားနေပါ သည်။ ၄င်းစစ်ဗျူဟာမှူးများသည် မန်ဆန်းမြို့၊ မန်တုံမြို့နှင့် နမ်းခန်း (မိုင်းဝီ) ၌ အခြေချပြီး
စစ်ဆင် နေပါသည်။
ကချင်တပ်သား တဦး၏ ရှေ့တန်းလှုပ်ရှားမှုဟန် (ဓါတ်ပုံ အင်တာနက်)
စက်မှုဖြင့် KIA နှင့် ပလောင်တပ်ဖွဲ့ သတင်း များကို ဖေါ်ထုတ် နေကြပါသည်။ KIA
တပ်မဟာ (၄) ဒေသတွင် ပလောင် လွတ်မြောက်ရေး အဖွဲ့မှ တပ်ရင်း (၄) ရင်း လှုပ်
ရှား နေပါသည်။
အစိုးရသည် KIA နှင့် တွေ့ဆုံ ဆွေးနွေးရန် ပြီးခဲ့သည့် အောက်တိုဘာလ (၁၀) ရက်
နေ့က ကမ်းလှမ်း ခဲ့ပါသည်။ အောက်တိုဘာ လဆန်း တရက်နေ့မှ (၁၀) ရက်နေ့
အထိ KIA နှင့် ဖြစ်ခဲ့သော တိုက်ပွဲပေါင်းမှာ (၂၀) ပွဲထက်မနဲ ရှိသည်ဟု စစ်ရေး
လေ့လာ သူများက ခန့်မှန်း ထားပါသည်။
ဤသို့ကြောင့် တိုက်ပွဲ အဆက်မပြတ် ဖြစ်ပွား နေသည့်ကြားမှ KIA နှင့် အစိုးရတို့
၏ တွေ့ဆုံ ဆွေးနွေးရေးသည် ဖြစ်လာဖွယ်ရှိ သော်ငြားလည်း KIA ၏ တောင်းဆို
မှုကသာ ဆွေးနွေးပွဲကို လွှမ်းမိုး နေမည် ဖြစ်ကြောင်း စစ်ရေး သုံးသပ်သူများက
ဆိုပါသည်။
သတင်းရင်းမြစ်း ရွှေဟင်္သာ
No comments:
Post a Comment