ကချင်လွတ်လပ်ရေးအဖွဲ့ (KIO) ထိန်းချုပ်
နယ်မြေဖြစ်သည့် ဗန်းမော်ခရိုင်
မိုင်ဂျာယန်
မြို့တွင် ကချင် နိုင်ငံတကာ ကုန်သွယ်ရေး
နှင့် ယဉ်ကျေးမှုဖလှယ်ရေး
အဖွဲ့ ( Kachin
International Trade and Culture Exchange
Society –
KITCES) ရုံးခန်းကို ယနေ့ဖွင့်လိုက်ကြောင်း သတင်းရရှိသည်။
ကချင်တိုင်းရင်းသားများ၏ ရိုးရာယဉ်ကျေးမှုကို
ထိန်းသိမ်းမြှင့်တင်ရန်နှင့် တိုင်း
ရင်းသားများ၏ စီးပွားရေး
ကိစ္စရပ်များတွင် ကူညီဆောင်ရွက်ရန် ကချင်လုပ်ငန်း
ရှင်များနှင့်
ကချင်ပြည်သူများ ပါဝင်ဖွဲ့စည်ထားကြောင်း သိရသည်။
“ကျနော်တို့ ကချင်တွေက စီးပွားရေး၊ ကုန်သွယ်ရေးမှာ အားအရမ်းနည်းတယ်။
မလုပ်တတ်၊ မကိုင်တတ် ဖြစ်ကြတဲ့ အတွက် နိုင်ငံခြားမှာ ရောက်နေတဲ့
ပညာ
ရှင်တွေရဲ့ လမ်းညွှန်မှုကို ရအောင်လုပ်ပေးမယ်” ဟု KITCES ၏ ဥက္ကဋ္ဌ
ဦးဓါမျာမောရှေ (Da Mya Maw She) က ဧရာဝတီသို့ ပြောသည်။
ကချင်ပြည်နယ်
မန်စီမြို့နယ် တရုတ်နယ်စပ်အနီး ခိုလှုံနေသော ကချင်စစ်ပြေးဒုက္ခသည်
ကလေးငယ်တဦး ထင်းရှာဖွေပြီး ပြန်လာစဉ် (ဓာတ်ပုံ- ဂျေပိုင် / ဧရာဝတီ)
KITCES သည် လူမျိုးရေးခွဲခြားပြီး ဖွဲ့စည်းထားခြင်း မဟုတ်ဘဲ
ကချင်ပြည်နယ်
အတွင်းရှိ မည်သည့်တိုင်းရင်းသား လူမျိုးကိုမဆို
ကူညီသွားမည်ဖြစ်ကြောင်း ၎င်း
က ဆက်ပြောသည်။
KITCES အဖွဲ့အနေဖြင့် ဘိန်းအစားထိုး စိုက်ပျိုးရေးလုပ်ငန်းများ၊
မူးယစ်ဆေး
ပပျောက်ရေး လုပ်ငန်းများ ဆောင်ရွက်မည် ဖြစ်ပြီး ယဉ်ကျေးမှု
ထိန်းသိမ်းမြင့်
တင်ရေးနှင့် စစ်ဘေးကြောင့် ရှောင်တိမ်းနေရသော တိုင်းရင်းသား
ကလေးငယ်
များ၏ ပညာရေးအတွက် အထောက်အပံ့ပေးနိုင်ရန် ငွေကြေးအကူအညီ
လို
အပ်ကြောင်း သိရသည်။
ကချင်လွတ်လပ်ရေး တပ်မတော် (KIA) ထိန်းချုပ်နယ်မြေအတွင်း KITCES ကို
ဖွဲ့စည်းဖွင့်လှစ်ထားသော်လည်း သမ္မတဦးသိန်းစိန် အစိုးရ၏
ကူညီထောက်ပံ့မှုနှင့် အာရုံစိုက်မှုကိုလည်း မျှော်လင့်ပါကြောင်း
ဦးဓါမျာမောရှေက ဧရာဝတီသို့ ပြော
သည်။
KITCS ရုံးဖွင့်ပွဲကို ကချင်ပြည်နယ်၊ ရှမ်းပြည်နယ်မြောက်ပိုင်း၊
အိန္ဒိယနိုင်ငံနှင့်
တရုတ်နိုင်ငံတို့မှ ကချင်တိုင်းရင်းသား
ကိုယ်စားလှယ်များ တက်ရောက်ကြောင်း
သိရသည်။ပြီးခဲသည့် စက်တင်ဘာလ ၁၈ ရက်နေ့ကလည်း ကချင်ပြည်နယ်
လွယ်ဂျယ်နှင့်
မိုင်ဂျာယန်ကြားရှိ ပရန်ငေါန်ဒေသတွင် ငြိမ်းချမ်းရေးနှင့်
တွေ့ဆုံ
ဆွေးနွေးမှု ဆိုင်ရာများအတွက် Justice and Negotiation Center
(တရားမျှတ
မှုနှင့် စေ့စပ်ရေးဌာန) အမည်ရှိ ရုံးခန်းတခု ဖွင့်လှစ်ခဲ့သည်။
သတင်းရင်းမြစ်
း ဧရာဝတီ
No comments:
Post a Comment