ယနေ့ နိုဝင်ဘာလ ၁ ရက်နေ့ နံနက် ၁၀ နာရီအချိန်တွင် မွန်ပြည်နယ်၊
ကျိုက်မရော မြို့နယ်၊ ဓမ္မသတ်ကျေးရွာမှ ဒေသခံ မွန်လူမျိုး(၃၀၀)ဦးခန့် သည်၊
မော်တော်ယာဉ်(၁၂)စီး၊ ဆိုင်ကယ်(၂၀)စီး ခန့်နှင့် မော်လမြိုင် ခရိုင်တရားရုံး
ပရ၀ုဏ်သို့ရောက်ရှိလာပြီး ဗီနိုင်းပိုစတာများကိုင်ဆောင် လျက် တရားရုံး
အဆောက်အဦရှေ့တွင် ရပ်ကာ အမှန်တရား ပေါ်ပေါက် ရေး – ဒို့အရေး””၊ ““ဦးစိုးသိန်း လွှတ်မြောက်ရေး – ဒို့အရေး”” ဟူသော ကြွေးကြော်သံ များ ကြွေးကြော် ၍ ဆန္ဒ ထုတ် ဖော်ခဲ့ပြီး မော်လမြိုင် ခရိုင်ရဲတပ်ဖွဲ့မှူးဦးဆောင် သော လုံခြုံရေးအဖွဲ့က လူစုခွm7:uYo Cw့မှုကြောင့် နေ့လည် ၁၂ နာရီခန့်တွင် မော်လမြိုင်မြို့တွင်းသို့ မော်တော်ယာဉ်များဖြင့် လှည့်လည်၍ နေရပ်သို့ ပြန်လည်ထွက်ခွါသွားကြောင်းသိရသည်။
ယင်းသို့ ဆန္ဒဖော်ထုတ်ရခြင်းမှာကျေးရွာရှိ မူလတန်းကျောင်းပိုင်မြေနေရာအား ယခင် ကျေးရွာ အုပ်ချုပ်ရေးမှူး ဦးထွန်းလင်းမှအကွက်စိတ်ရောင်းချခဲ့မှုအပေါ် မကျေနပ်သဖြင့် ကျေးရွာ လူထုကိုယ်စား ဦးစိုးသိန်းမှ ဦးဆောင်တိုင်ကြားခဲ့ပြီးနောက် မမှန်မကန်တိုင်ကြားသည်ဟူသော စွပ်စွဲချက်ဖြင့် ဦးထွန်းလင်း မှ ပြန်လည် တရားစွဲခဲ့ရာ ကျိုက်မရော မြို့နယ်တရားရုံးက ဥပဒေပုဒ်မ (၅၀၀)ဖြင့် ဦးစိုးသိန်း အား ထောင်ဒဏ်(၆)လ ချမှတ်ခဲ့ခြင်းကြောင့် ဖြစ်ကြောင်းသိရသည်။
ဆန္ဒထုတ်ဖော်ရာတွင် ဦးဆောင်ပါဝင်သူ ဦးမင်းစိုးမြင့်က““ကျွန်တော်တို့ရွာသားတွေအနေနဲ့ ဦးစိုးသိန်း ကို ထောင်ဒဏ်ချမှတ်ခဲ့တာကို မကျေနပ်လို့ ဥပဒေနဲ့ အညီ ငြိမ်းချမ်းစွာ စီတန်းလှည့်လည်ဆန္ဒပြဖို့ မြို့နယ်ရဲ တပ်ဖွဲ့မှူး ရုံးကိုတင်ပြတယ် ခွင့်ပြုချက် မရဘူး၊ ပြည်နယ်ရဲတပ်ဖွဲ့မှူးရုံးကို ထပ်တင်တယ် ပယ်ချခံ ထိတယ်၊ဒါ ကြောင့် မော်လမြိုင်ခရိုင် တရားရုံး မှာ ဒီအမှုနဲ့ပတ်သက်ပြီး အယူခံဝင်ခဲ့တာပါ၊ ပြီးခဲ့ တဲ့ အောက်တိုဘာ ၂၂ ရက်နေ့မှာ တစ်ကြိမ်၊ ၂၄ ရက်နေ့မှာတစ်ကြိမ် ရုံးထုတ် စစ်ဆေးပါတယ်၊ ဒီနေ့က ၃ ကြိမ်မြောက်ရုံးထုတ် စစ်ဆေးတာပါ၊ ဦးစိုးသိန်းဟာ သူ့ကိုယ်ကျိုးအတွက်မဟုတ်ဘဲ ရွာအတွက် အနစ်နာ ခံပြီး ထောင်ကျခဲ့ရတာပါ၊ မြို့နယ်ကချမှတ်ထားတဲ့ အမိန့်နဲ့ ပြစ်ဒဏ်ဟာ မမျှဘူး ဖြစ်နေပါတယ်၊ ကျွန်တော် တို့ အားလုံးက ဒီအဖြစ်အမှန် မပေါ်ပေါ်အောင် ဆက်လက်ဖော်ထုတ်သွား ပါမယ်””ဟု သံတော်ဆင့် ကို ပြောကြားခဲ့သည်။
အဆိုပါအမှုအား မော်လမြိုင် ခရိုင်တရားရုံးမှ ပြစ်မှုဆိုင်ရာ အယူခံအမှုအမှတ်(၂၈/၂၀၁၂)ဖြင့် လက်ခံ စစ်ဆေး လျက်ရှိကာ နိုဝင်ဘာလ(၈)ရက်နေ့သို့ ရုံးချိန်းထပ်မံချိန်းဆိုထားကြောင်း သိရသည်။
သတင်းရင်းမြစ်း မြန်မာသံတော်ဆင့်
No comments:
Post a Comment