ပါလာတဲ့ သတင်းတပုဒ်ပါ။
ဒါကတော့ အမေရိကန်ကို ကြိုတင်ရောက်နှင့်နေတဲ့ ဒေါ်အောင်ဆန်းစုကြည်က
သမ္မတ ဦးသိန်းစိန် ကို တည်းခိုရာ ဟော်တယ်ကို လာရောက်တွေ့ဆုံနုတ်ဆက်
တာကို မျက်နှာဖုံးခေါင်းကြီးပိုင်း သတင်း အဖြစ် ဖော်ပြထားပါတယ်။
အခုလို သတင်းစာတွေမှာ ဒေါ်အောင်ဆန်းစုကြည်ကို အမည်၊ ဓာတ်ပုံနဲ့ ဖော်ပြမှု
တချို့ သမ္မတ ဦးသိန်းစိန် အစုိုးရ ပြောင်း လာပြီးနောက်ပိုင်း နည်းနည်းပါးပါး တွေ့
လာခဲ့ရာမှာ အခု တခါကတော့ ဓာတ်ပုံကိုလည်း သမ္မတနဲ့ တွဲလျှက်ဖြစ်နေလို့
အကြီးဆုံးဖော်ပြခဲ့ပါတယ်။
အခုလိုဖော်ပြမှုဟာ သမ္မတနဲ့ အတိုက်အခံ ခေါင်းဆောင်တို့ရဲ့ ဆက်ဆံရေး
ကိုလည်း ထင်ဟပ်ပါတယ်။
အရင်က တချိန်လုံး အစိုးရရဲ့ အာဘော်သာ တင်ပြတဲ့ သအခြေအနေကနေ
ပြောင်းလဲလာတဲ့ မြန်မာ့သတင်းစာလို့ ပြောရမှာပါ။ ပြောင်းလဲလာတယ်ဆိုတာ
ဒေါ်အောင်ဆန်းစုကြည်ကို တချိန်တုန်း က ဝေဖန် တိုက်ခိုက်ရေးသားချက်များ
ကို ဖော်ပြလေ့ရှိတဲ့သတင်းစာတွေက အခု ဖော်ပြလာမှုကသာ တကယ့်ပြောင်း
လဲမှု ဖြစ်ပါတယ်။
ဒါကလည်း သတင်းဖော်ပြမှုအတိုင်း ပြည်သူ့လွှတ်တော်ကိုယ်စားလှယ်ဖြစ်တဲ့
ဒေါ်အောင်ဆန်းစုကြည်နဲ့ လက်ရှိ သမ္မတ ဦးသိန်စိန်တို့ ဖြစ်နေတာ တိုက်ဆိုင်
မှု တော့မဟုတ်ပါ။
တချိန်က ဒီလို ပုဂ္ဂိုလ်မျိုးတွေရဲ့ သတင်းကို သတင်းစာပေါ်မှာ ဖော်ပြလေ့မရှိခဲ့
ပါဘူး။ ဝေဖန်တိုက်ခိုက်တဲ့ သတင်းဆောင်းပါးတွေပဲ ဖော်ပြလေ့ရှိခဲ့တာပါ။
ဒီနေရာမှာ သတင်းစာ ရောင်းကောင်းအောင် ဒေါ်အောင်ဆန်းစုကြည်ရဲ့ ဓာတ်ပုံ
နဲ့ သတင်းကို ဖော်ပြတာ မဟုတ်ဘူးဆိုရင်တော့ ထူးခြားမှု တခုဖြစ်နေပါလိမ့်မယ်။
စတုတ္ထမဏ္ဍိုင် အားကောင်းလာစေရန် ဘယ်လောက်ထိ သတင်းလွတ်လပ်ခွင့်နဲ့
သတင်းစာ ပညာတွေ အားကောင်းလာအောင် မြန်မာ သတင်းစာတွေနဲ့ သတင်းစာ
လောက အနေနဲ့ ဘယ်လို ခြေလှမ်းတွေ ဆက်လှမ်းလာမလဲ ဆိုတာကိုတော့
အများက စိတ်ဝင်စားနေကြပါတယ်။
သတင်းရင်းမြစ်း ဧရာဝတီ
No comments:
Post a Comment